【黃廷方獎學金（香港） – 深圳一日參訪團😄】

CareFood
8月4日
讀畢需時 2 分鐘

黃廷方慈善基金於2025年7月25日舉辦咗深圳一日參訪團🥳，在社聯協助下，邀請咗2024年黃廷方獎學金嘅得獎同學，期望透過參訪深圳嘅企業及古蹟，增加同學對大灣區的認識，親身體驗大灣區發展，了解國家科研技術及文創產業，拓闊視野🤩。

是次深圳參訪團帶同學參觀咗三個地方：百度國際大廈、南頭古城及深圳大疆創新科技有限公司。百度集團一直是國家頂尖創科企業之一，同學喺參觀過程中，除咗聆聽工作人員介紹人工智能技術同無人駕駛汽車於國內發展及運行方式之外，仲親身體驗深圳市南山區內無人駕駛的士😍，可以更深入了解國內無人駕駛技術嘅運作模式。

下午到訪南頭古城，南頭古城建於明朝時代，近年政府活化為著名旅遊景點，結合古代城鎮與現代商鋪。同學們除咗親身踏足具嶺南特色建築嘅古蹟，親身感受歷史文化外，更讓同學自由探索呢座歷史遺留嘅文物及現時文創商店😎。之後，同學亦參觀咗位於蛇口港客運碼頭嘅大疆創新科技有限公司。大疆致力透過研發創新產品，重塑消費者嘅工作同生活方式。工作人員除咗向同學介紹大疆嘅無人機發展同型號之外，同學仲有機會親身體驗機甲大師賽🤩，玩得好投入同好開心。

希望同學能夠透過今次參訪，了解國內科技發展趨勢及歷史文化，增廣見聞💪🏻。