今年2月起，社聯照護食工作小組與香港專業教育學院葵涌分校 IVE Kwai Chung 合作，為修讀營養學課程嘅學生舉辦一系列照護食相關培訓。承接住2月嘅講座，我哋早前更為同學舉辦咗深造工作坊以及社區學習體驗。
深造工作坊由澳洲註冊營養師李端然June與學生深入探討不同長期病患長者嘅營養問題，討論如何為有需要長者設計出營養均衡嘅照護食餐膳。
此外，為咗令同學更深入了解長者以及安老院舍嘅現況，我哋安排同學到 明愛賽馬會照顧者資源及支援中心 進行社區學習體驗。活動邀請到明愛安老服務膳食主任邱嘉良師傅，從廚師角度講解安老院舍現時嘅膳食安排、製作照護食餐膳嘅心得，並即場示範咗幾道菜式，令同學了解如何設計出既易煮、又符合標準嘅照護食餐膳。
同學接受完一系列培訓後，將會設計適合吞嚥困難人士進食嘅餐膳。嚟緊我哋亦會將同學設計嘅營養食譜上傳到Facebook專頁，讓公眾人士投選出最出色嘅食譜。大家到時候記得踴躍投票啦！