今年1月起，社聯照護食工作小組再度與香港專業教育學院葵涌分校合作，為修讀營養學課程嘅同學舉辦一系列照護食相關培訓。繼上個月嘅培訓講座後，我哋日前為同學舉辦咗深造工作坊。
深造工作坊邀請到香港社區營養師協會主席梁穎恩Bonnie與同學分享點樣為患有吞嚥困難嘅長者設計富有營養嘅餐膳，更即場教大家烹調色香味俱全嘅照護食。各位同學有機會親手烹調照護食，佢哋都十分投入，廚藝仲相當唔錯添。
之後同學們亦有機會參與服務學習，向公眾人士推廣照護食。完成一系列培訓將會成為照護食大使，進一步將所學到嘅知識帶入社區，令公眾人士更加了解照護食嘅重要性。
