繼承上年嘅照護食大使計劃，社聯照護食工作小組今年再度與香港專業教育學院葵涌分校合作，為修讀營養學課程嘅學生舉辦一系列照護食相關培訓，旨在培訓營養系學生成為照護食大使，於營養學嘅範疇推廣照護食。
第一場培訓講座已於上星期順利進行。照護食工作小組代表為同學講解照護食及吞嚥困難相關資訊，同時亦邀請咗香港社區營養師協會主席梁穎恩Bonnie與學生分享長者嘅營養須知。
參與照護食大使計劃嘅學生之後將會參與深造工作坊及服務學習，進一步深化佢哋對照護食嘅認識，將所學到嘅知識帶入社區，令照護食更加普及。
top of page
bottom of page