喺今年嘅照護食大使計劃當中，嚟自香港專業教育學院葵涌分校IVE Kwai Chung 修讀營養學嘅同學早前已經完成咗培訓講座及深造工作坊。上星期，佢哋有機會將所學嘅知識運用出嚟啦💪！
上星期係香港專業教育學院葵涌分校嘅健康週，當中有唔同攤位及活動，旨在提升學生對生理及心理健康嘅關注。當中，有6個攤位係由參與咗照護食大使計劃嘅同學負責。攤位以照護食為主題，配以唔同互動環節，例如小遊戲、試食、增稠飲品沖調等，令學生更加了解照護食以及吞嚥困難😄。
健康週後，同學亦有機會參與服務學習，將所學知識進一步推廣俾公眾人士👍。
