農曆新年喺一家大細共享天倫之樂嘅好時節，梗喺唔少得同檯分享賀年美食啦😃！不過，有啲食物長者難以咀嚼，可以進食嘅菜式有限，咁有冇為佢地設計嘅餐單呢？
華懋集團同黃金時代基金會就考慮到吞嚥困難人士嘅需要，邀請跨專業團隊，以食物原材料入饌，喺年初一至五推出賀年「金齡美饌」餐單🤩， 菜單包括：鴻運當頭（西部菲達芝士沙律配西瓜啫喱）🍉、如意吉祥（龍脷魚配蛋白菠菜汁）🍍、鳳凰金卷（菠菜雞肉南瓜龍脷魚慕絲卷）、花好月圓（稀少糖法式焦糖燉蛋）🌸、甜甜蜜蜜（稀少糖蜂蜜蛋糕配吉士醬）☀️，色、香、味俱全，等吞嚥困難人士可以重拾進食嘅樂趣🥳。
