%20-%20Logo.png)
第五屆計劃内容
%20-%20Button.png)
本屆創革者及接待機構名單
文學良先生 Jacob（宿舍經理）
@ 利民會 利康居
接待機構：SONOVA
任潁娜女士 Julia（機構傳訊經理）
@ 香港小童群益會 機構傳訊部
接待機構：凝動香港體育基金
%20-%20Button%20(2).png)
胡月華女士 Emily（服務主任）
@ 香港基督教服務處 童弦—學前單位社會工作服務隊
接待機構：在山工作室
鄭慧心小姐 Sum（社工1）
@ 基督教家庭服務中心 賽馬會跳躍青年坊
接待機構：城市日記
聶淑婷小姐 Lillian（項目經理）
@ 毋忘愛
接待機構：世界之約
最新活動花絮
創革啟航日暨實習配對 & 共創加油站#1
「創革者計劃」眨吓眼就嚟到第五屆，而「創革啟航日暨實習配對」已經喺日前完滿舉行啦～🥳
每一屆嘅計劃，都由一個好似相睇大會嘅配對作開始。例如今屆就先請創革者同接待機構嘅代表，各自帶一件「代表物」介紹自己。大家帶嚟嘅嘢都好特別，例如用咗好多年嘅手巾仔、「小人噴霧」、鹹魚、自製嘅遊戲卡牌，甚至有創革者帶咗一直陪伴住佢經歷社福路嘅「電燈膽」，就好似計劃主題咁樣，為大家點燃心燈💡！之後大家再藉物件進行一個名為「你接我『故』」嘅破冰游戲，考驗各位急才嘅同時，現場氣氛都越嚟越融洽。
當日嘅重頭戲當然係黃金10分鐘極速配對環節，創革者同接待機構代表輪流對話，表達配對意向；最後以一對一形式分配到合適嘅接待機構，展開往後嘅影子實習同跨界交流。
當日亦設有「共創加油站」，請到第三屆創革者 — 仁愛堂賽馬會田家炳綜合青少年服務中心嘅陳美華女士 Maggie及社聯代表分享過往經驗，為新一屆開展計劃之前打打氣，同打返支強心針😆。
再次感謝各位創革者同接待機構同我哋一齊開展呢趟同行共學嘅旅程！接住落嚟仲有好多唔同類型嘅活動同體驗，一齊拭目以待！🤩
創革者訓練營 + 正念靜觀加油站#1
【♥🌿 由靜觀，到日常好好照顧自己】
日前順利舉行嘅「創革者訓練營 + 正念靜觀加油站 #1」，以「好好照顧自己」系列拉開序幕，透過簡單嘅穴位暖身，於每一個朝早都溫柔地喚醒自己同身體，去迎接接下落嚟嘅一整日；亦邀請到佛聯會—陳榆中醫師，由中醫角度分享「情志與健康」，讓同工認識情緒與五臟六腑嘅關係，或哪個穴位有助日常梳理情緒等，提醒同工喺照顧別人同時要先照顧好自己的身心健康。
【👀👂🏻💡 從觀察、聆聽，到同理，到欣賞自己】
透過「大話王」遊戲及「記者訪談」角色扮演，大家以有別日常慣用的角度去觀察及聆聽，搵返服務最初的意義同動力；更隨即運用人物誌（Persona）及因果樹等工具，喺將創意轉化為實際服務方案前搵出痛點所在。
隨後由明愛洪水橋社區發展計劃—阿Kim同在地街坊帶路，由活動場地—僑所公立學校走入鍾屋村，透過建築認識村内歷史及充滿人情味嘅故事。阿Kim更分享自身喺薄扶林進行長達10年嘅社區發展經歷，同依家喺鍾屋村再次「開荒」嘅體會。阿Kim 喺業界謹守崗位多年嘅嗰份堅持，令唔少同工反思自身走過的社福道路，並在回望期間更多地欣賞自己，及啟發他們將特定的社福概念，更融會貫通地套用於現時工作，以提供不同的創新服務予有需要的人！
創革者訓練營 + 正念靜觀加油站#2
【💪🏼 身心放鬆，不痛則通，接納身體每一個狀態 🧘♀️】
喺開展全日活動前，沿用一貫做法先以「好好照顧自己」系列同大家熱身。社福工作無可避免需要四圍奔波做嘢，我哋希望透過分享一啲可以等車、等lift、等外賣、甚至開會或睇緊電視嗰陣時…都能夠隨時隨地輕鬆按到嘅穴位，令大家時刻能夠好好照顧自己；另外，再次邀請到佛聯會 @hkbuddhist — 陳榆中醫師，由中醫角度分享「都市人常見痛症」，等大家學識點樣察覺自己嘅身體感受，同埋點樣通過自救進行舒緩；同埋 @yamafoundation 導師 — Wendy嚟教導大家點樣透過chair yoga，去感受自己嘅身心狀態，學識接收每一個身體部位嘅訊息，令大家同自己嘅身心連結。
【🧠 業界創意啓發及交流💡】
除咗學識點樣照顧自己、同自己身體溝通之外，當然唔少得我哋嘅重頭戲 — 創革者訓練營，我哋嘅培訓夥伴仁愛堂青年夢工場 @yot_youthspace 利用唔同設計思維相關嘅工具，引導創革者利用早前採訪收集到嘅資料進行分析，然後發掘服務痛點，度吓有咩好橋協助解決問題。
我哋亦都邀請復修辦館 @repaircafe_hk 嘅創辦人 — Jacky分享創立理念，同埋點樣由零發展到而家嘅規模，同埋過程中嘅樂趣。一班創革者喺過程了解到小型社福機構喺營運中嘅挑戰，同埋點樣善用社區資源發展特色嘅社會服務，仲即場brainstorm點樣利用自己嘅優勢，同復修辦館合作舉辦一啲創新服務呢！
創革者訓練營 + 正念靜觀加油站#3
不經不覺間，已經嚟到最後一個創革者訓練營 + 正念靜觀加油站完成咗呢段同行共學嘅時光呀📝
【😴食好睡好精神爽，表達藝術幫心靈鬆吓綁🖍】
香港佛教聯合會 @hkbuddhist — 陳榆中醫師與創革者繼續同行，今次同大家拆解都市人經常面對嘅 #失眠 同#腸胃健康 ，更以飲食切入，打破迷思，呼籲大家好好吃飯，一齊做到「寢食兩安」，從根本改善健康💪🏻 而「#好好照顧自己 」系列就教大家日常等車等𨋢 等朋友... 都可以用「企喺到」嘅狀態悄悄養生😆透過改變日常小習慣，就已經可以偷偷幫自己充充電、踢走疲勞，隨時隨地好好愛護自己💗
緊接住基督教聯合那打素社康服務 @ucn_healthcare 「愛鄰網絡及樂齡同行匯」項目經理 — 陳詠恩女士, Vanice @就帶領大家運用 #表達藝術 探索自己；並提供一個空間讓參與者喺創作嘅過程期間，好好同內心對話、重新認識自己，最後創造出獨一無二，屬於個人嘅作品。💫而Vanice除咗係註冊表達藝術治療師外，更係第三屆嘅創⾰者之一，佢亦都趁呢個機會同大家分享自己過往嘅經驗同體會，讓大家深受啟發✨
【🎡社區空間創革與點子交流🕹】
培訓夥伴仁愛堂青年夢工場 @yot_youthspace 亦繼續教授同引導大家將 #設計思維 （Design Thinking）工具，並具體套用落各位創革者即將實踐嘅創新意念當中。創革者之間互相交流、大膽拋橋，俾咗好多實質嘅意見同鼓勵對方，互助精神滿分💯
當日仲有歷屆接待機構—非常香港@veryhongkong 總經理— 陳沛賢女士, Crystal及同事Carol 嚟到現場，分享佢哋重塑 #社區空間 嘅寶貴經驗同感受。Crystal 同 Carol 嘅分享令大家對點樣連結社區資源、活化空間，有咗更深一層嘅思考同啟發🧠
創革同行平台——晚間聚會
早前一班歷屆創革者難得聚首，搞咗一場勁熱鬧超溫馨嘅晚間聚會呀🥰而今屆嘅創革者都首次同歷屆「師兄師姐」 們會面，一齊加入「創革同行平台」🤝
「創革同行平台」嘅成立目的，就係想連結歷屆嘅創革者，建立一個有溫度嘅支援網絡，讓大家喺社區創新嘅路上互相分享經驗、促進共學交流。當晚，大家一邊享受美食，一邊 Free Flow 地自由暢談、互相給予支持。除咗分享彼此最新近況，更「圍爐」傾談喺社福業界、推動服務時遇到嘅痛點與挑戰，為未來嘅同行路種下更多可能性嘅種子💡
喺社福界工作或者推動社區創新，最治癒嘅時刻，莫過於有一班志同道合嘅同行者一齊叉電、互相扶持❤️劇透一下，今次聚會只係正式啟航嘅第一步！
共創加油站 #2
當社會服務面臨轉型，同工點樣打破傳統框架、全面提升應變力？💡 早前嘅共創加油站 #2，就透過「共學、共創」精神，邀請咗幾位年輕人同一班創革者及機構同工暫時「放低包袱」，進行咗一場打破常規嘅跨機構思維碰撞！📝
感謝可持續發展（社會與環境）顧問、#BetterFutures 共同創辦人 — 黃珮婷女士 Joyce @betterfutures.joyce 嘅帶領，透過互動選擇題熱身、讓大家互相認識兼分組，隨後幾位青年評審更加入小組，同創革者一齊動腦筋、集思廣益，圍繞主題展開跨機構協作！
【🏫想像力翻轉校園，青年化身專業評審🕹】
兩組參加者同青年評審喺兩輪腦震盪中互相討論，圍繞「重新設計上學的一天」同「修改三條校規」兩個主題，發揮天馬行空嘅想象力，同時換位思考，嘗試貼近真正學生嘅 需要：
• 🕒 重新設計上課的一天： 縮短傳統課堂時數、鼓勵學生自由探索，加入打機、桌遊、球類運動、甚至學校露營等元素。🎮
• 👗 修改校規： 倡議改變校服硬性規定（例如女同學冬天可以自由著長褲）、引入多元化兼流行嘅興趣班（譬如鑒定卡牌、陀螺等）。
• 🩹 最貼心提案： 增設每月一日、唔使醫生紙嘅「情緒調節假（Emo Holiday）」，等同學仔可以視乎心情請假，照顧自己嘅精神健康，真係超級貼心！💯
4位年輕人隨後化身為最嚴格、但亦最真實嘅「專業評審」，認真點評兩組嘅匯報並即場公布結果。經過呢場思維碰撞，大家喺 豐富美食午餐中有講有笑、打成一片✨
今次創革者同機構同事一齊體驗活動倡導「無對與錯」嘅去批判性互動模式，希望能夠將呢種「求同存異、精益求精」嘅協作文化帶返機構，全面優化服務！🚀
