近年，越來越多人關注吞嚥困難，但好多人都誤以為吞嚥困難只係同年紀大有關。其實，吞嚥困難並非長者專利，無論係小朋友定係成人都有患上咀嚼及吞嚥問題嘅可能。
吞嚥困難成因好多，患者類別唔係想像般咁單一，疾病例如中風、柏金遜、認知障礙症、鼻咽癌、腦損傷、手術和治療後副作用、牙齒不全等都有機會影響患者嘅吞嚥能力。雖然吞嚥困難暫時唔算係普遍人眼中嘅惡疾，但你諗吓，吞嚥困難患者最終有機會插上鼻胃喉餵食，對患者心理、生理健康都會造成嚴重影響，呢個情況真係不容忽視!
幫助改善問題，把食物調整成容易吞嚥嘅狀態、大小，經口進食訓練吞嚥能力十分重要。照護食主張的重要元素係依據不同程度嘅吞嚥需要，為患者製作相應軟硬度發及外觀吸引嘅照護食品，例如碎餐及軟餐，並非純用糊餐代替正常餐。
原文載於好好社企 Goodgoods Social Enterprise Concept Store Facebook專頁 (2021年4月28日)