.png)
平台簡介
使命
-
加強及延續跨屆創革者之間的交流及聯繫
-
建立一個互助、共享的同儕網絡，促進跨界合作與共創
-
讓創革者們自主地策劃針對大家需要及合適的活動與體驗
最新活動花絮
【創革同行平台：自主空間營造工作坊】
由香港社會服務聯會主辦嘅「社會福利機構創革者培育計劃」至今已經舉行四屆，以人本、初心、設計思維及共創等核心培育咗20名社福同工。為咗延續跨屆創革者之間嘅交流同埋聯繫，社聯由上屆計劃開始籌備並協助佢哋組織「創革同行平台」，建立跨界交流平台，延續破格創新精神，攜手向前推動社會倡議，甚至讓大家自主地策劃針對社福同工需要及合適嘅活動同體驗。
有鑒於同工喺日常工作時，希望提升服務使用者喺中心入面使用空間嘅體驗，或者想善用空間提供更好嘅服務。不過喺資源等限制之下，往往唔知道應該從何入手先可以貼合服務使用者嘅空間需要。因此，創革同行平台籌委會特別邀請 白造 Baak6zou6 為大家舉行兩場以「自主空間營造」為主題嘅工作坊。
希望同工們透過學習社區營造中的空間設計原則，分享日常社福單位所面臨的痛點，分析海外及本地的空間創新案例，並進行意念創想等，共同探討如何透過現有嘅資源喺自己機構/中心內實踐、活用空間。第一場嘅工作坊讓參加者可以重新審視服務使用者進入空間之後嘅用家旅程（User Journey），部分創革者更加帶埋團隊同事一齊參與工作坊，大家都好投入地討論及代入服務使用者去思考出改變空間嘅契機。甚至透過跨機構 /團隊進行模擬訪談，突破自身思考界限，刺激更多大家對於不同使用者體驗服務時嘅感受。
期待下一次嘅工作坊，創革者同埋同工們都能夠利用同服務使用者之間嘅訪談，發掘佢哋到訪機構時面臨嘅真實感受同埋需要，以低成本及用家為本角度發揮小宇宙度橋，有機會讓大家動手實踐原型，甚至希望同工真係能夠將相關成果帶回機構，回饋服務使用者。
【創革同行平台 — 澳門社福交流團】
社聯於昨日舉辦社會福利機構創革者培育計劃「創革同行平台」活動——澳門社福交流團。創革者培育計劃匯聚一群社福同工，以 「人本」、「初心」、「共創」、「設計思維」 為核心，結合跨界別影子實習，在一個全新的跨領域行業探索。同時，從身心靈方面照顧同工的人本發展。
是此澳門社福交流團帶領今屆及歷屆創革者到訪澳門兩間社福機構：澳門扶康會寶翠中心及澳門博彩業職工之家參觀及交流。澳門扶康會寶翠中心以一站式的職業康復服務來運作，即由工場培訓、輔助就業培訓至就業後的在職培訓，服務不同需要的康復者。中心內更設有社企及社企餐廳，參加者於交流中了解到澳門背景下的社企發展及文化，亦了解到澳門社企的挑戰及機遇。創革者更於社企餐廳體驗及品嘗正宗葡國菜。
下午到訪澳門博彩業職工之家，這是澳門一間特別以一個行業為服務對象的機構，致力服務前線博彩從業員及其家屬，宣傳及推廣負責任博彩。透過同工及博彩業前線職工的分享，了解更多行業內部的辛酸，亦了解澳門博彩業的發展和負責任博彩的宣傳及教育機制。澳門博彩業職工之家的同工更深入分享澳門社福制度及外展服務心得，讓參加者獲益良多。
感謝澳門扶康會寶翠中心及澳門博彩業職工之家的接待，期望創革者能將收穫帶回機構內部，透過共學、共創為社福界帶來正面影響。
【創革同行平台 — 首次會員大會】
話咁快就嚟到第四屆「創革者」計劃嘅最後階段啦，自2022年起不知不覺間都有十幾位創革者參與過計劃。為咗加強及延續跨屆創革者之間的交流及聯繫、建立一個互助、共享的同儕網絡，促進跨界合作與共創，計劃團隊特別設立平台，讓創革者們自主地策劃針對大家需要同合適嘅活動同體驗。
日前計劃團隊舉行咗首次會員大會，邀請籌委會成員同平台會員聚首一堂，互相見面交流，更即場讓大家投票選出心水平台名字，最後根據投票結果以「創革同行平台」命名。
當日除咗介紹下平台使命、願景同埋、未來方向等之外，更因應創革者嘅工作需要邀請到社聯—共創 博施匯嘅同事分享有關撰寫撥款提案時嘅Tips，希望同工們能夠運用大家嘅創意同專業製造出唔同範疇嘅項目。
另外，計劃團隊亦將於7月為平台舉行首次境外交流活動到訪澳門，所以亦好榮幸邀請到浸會大學實務教授及創滙點首席顧問——凌浩雲教授，Howard為大家分享佢多年嚟喺社福界工作經驗同睇法，以及香港同澳門社企文化同發展更親自送上社企禮物作為對於創革者嘅鼓勵。
最後唔少得就當然係準備咗時間比大家交換卡片同埋傾計交流，令成晚氣氛歡樂愉快希望今次活動可以增進創革者之間嘅交流同埋認識，遲啲一齊體驗更多嘅活動啦！
