由社聯照護食及香港防癌會合作出版嘅《照護食——家居篇：吞嚥困難患者照顧者全面手冊》終於喺上星期五面世啦。我哋邀請咗王榮珍女士主持一個由李明逵先生、黃楚權先生同蘇文輝先生三位廚師示範嘅照護食菜式烹調，仲邀請埋胡楓先生到場試食。
呢本手冊係為照顧者而設，所以今次嘅發布會都邀請咗陳圖安先生同照顧者有個訪談環節，分享照顧者嘅心路歷程，同埋本手冊點樣幫助到照顧者。手冊內共有49條影片，讓照顧者能結合影片閱讀，可以對照護食及吞嚥困難有更深入嘅了解。
期望呢本手冊可以為照顧者提供更多資訊，幫助照顧者減輕壓力，有更多休息嘅時間。
如果大家有興趣閱讀呢本手冊，歡迎大家喺社聯照護食網站或香港防癌會網站免費下載。
Comentarios