尋日我哋喺照護食種子餐廳一葉小廚餐廳順利舉辦第三場照護食社區宴會，有接近40位長者、照顧者品嚐唔同等級嘅照護食中菜餐膳，參加者都十分欣賞餐廳廚師的烹調技巧及用心準備 。
今次社區宴會我哋邀請左分別來自嗇色園主辦可榮耆英鄰舍中心及基督教家庭服務中心真光苑長者地區中心和嘅長者，照顧者及不同地區人士到來試食吞嚥友善照護食餐膳 。照護食工作小組喺活動期間向參加者介紹照護食及吞嚥困難資訊，增加地區長者同照顧者對照護食嘅認識。宴會結束後，我哋亦向參加者派發照護食餐券，鼓勵佢哋可以自行到餐廳享用照護食餐膳 。
社聯照護食小組會繼續推行照護食種子餐廳計劃，期待喺未來有更多餐廳提供吞嚥友善嘅餐膳，令不同吞嚥困難需要人士有更多元化嘅照護食用餐選擇，提升生活素質，實現區區有啖好食。
Comments