top of page

派發地區照護食飯盒 助長者「有啖好食」

新春佳節🧧,大家都大飽口福😋但對於有吞嚥困難人士,要有啖好食都唔容易👉👈社聯照護食工作小組於自2022年11月開始至2023年1月期間,夥拍 銀杏館及社企jin4 jy5嘅言語治療師推行「照護食。有啖好食」 社區食得喜計劃👏希望社區内有需要嘅長者可以享用免費、高品質嘅照護食膳食,減輕照顧者準備膳食方面嘅負擔,同時推廣照護食嘅好處,以應對本港人口老化嘅挑戰。


本次計劃連同中華基督教青年會柴灣長者鄰舍中心、香港西區婦女福利會關啓明紀念松鶴老人中心及樂天關懷行動合作,為約45位長者提供超過2500個照護食飯盒🍱。好多參加長者反映佢哋平時食飯嘅時候,因爲各種原因而咬或吞唔到,今次計劃嘅飯盒為佢地改善呢方面問題,連心情都好啲咗添🥰


承接著今次計劃嘅經驗,社聯照護食工作小組將會推行計劃嘅第二階段💪,預計喺油尖旺同深水埗區連續3個月派發照護食飯盒,希望更多有需要社區人士了解同嘗試照護食。


最新消息歡迎留意我哋Facebook page網站 !


Comentários


bottom of page