top of page

梁婆婆身兼照顧者遇吞嚥問題 接觸軟餐助解困以老護老

已更新:2023年11月9日

作為照顧者,日常要照顧屋企人可能已經身心俱疲,如果自己更遇上吞嚥困難問題,究竟可以點做呢?


早前,社聯照護食工作小組與 656照顧者好幫搜 合作拍攝咗一段影片,訪問一位接近七旬嘅照顧者接觸照護食嘅故事。梁太平時需要照顧患有癌症嘅先生,但自己年紀亦開始漸長,咀嚼能力慢慢下降。未接觸照護食之前,梁太進食時會用水沖食物落去,導致容易嗆到。但當進食照護食之後,梁太嘅身心健康都有改善!


其實社區上仍然有唔少人係可能遇上吞嚥或咀嚼困難而不自知。為咗增加公眾對「照護食」的認識,香港社會服務聯會聯同香港中文大學食品研究中心及香港大學吞嚥研究所制定咗照護食標準指引,提供一套統一、清晰及本地化比不同人士參考。


坊間有唔少人仍然對照護食有一啲迷思,借呢個機會同大家分享吓啦!


迷思1:照護食係老人專利? 當然唔係啦!其實不論有吞嚥困難抑或咀嚼功能欠佳嘅人士都啱食照護食,唔單只係長者,年輕人都有機會需要照護食,例如患上中風或癌症病人等。


迷思2:照護食一定要用到凝固粉? 唔一定!其實烹調照護食仲有好多唔同方法,例如運用唔同天然食材(如:淮山)或者烹調方法(如:慢煮、壓力煲)等。


如果想知道更多梁太嘅故事以及照護食嘅資訊,記住撳入去影片度了解更多啦!



Comments


bottom of page