【照護食「造星企劃」第二彈!】


上星期六就係照護食 #造星企劃 第二回 - 照護食烹調工作坊及與長者交流體驗日嘅大日子!


同學仔即場跟甜蜜故事創辦人Amy 學整點樣利用唔同嘅煮食工具、技巧炮製出精緻又可口嘅照護食菜式,令吞嚥困難人士都能夠享受美食嘅樂趣。因疫情關係今次活動只能夠有得睇冇得食,希望疫情快啲過去,大家之後可以一齊好好品嚐美味照護食嘅喜悅。



除咗烹調工作坊,同學仔仲與一眾老友記一同參與醬料塗鴉活動,以「觸」得到的回憶作為主題,利用唔同調味料做顏料,在食物畫布上發揮創意,創造美好回憶。


同學仔除咗加深對長者嘅認識,了解佢們嘅心聲,更有助日後於院舍實習嘅發揮。而一眾「哥哥姐姐」都對活動感到相當滿意,希望未來我地能夠舉辦更多類似嘅活動,為長者嘅人生添上色彩,又能夠為學生提供就業上嘅幫助,拓闊眼界!