【活動回顧】學廚 x 照護食 - 培育新血 薪火相傳

隨著人口老化,越嚟越多人有機會需要照護食,但現時識得烹調照護食嘅廚師數量唔多。為咗培育新一代照護食廚師,照護食工作小組早前為國際廚藝學院、中華廚藝學院嘅學廚們舉辦咗照護食入門講座及深造工作坊,藉此令更多學廚認識照護食,拓寬職涯路徑。


兩場照護食深造工作坊早前已經順利舉行。承接住入門講座,今次深造工作坊主要透過實踐形式,讓一眾學廚親身嘗試烹調照護食,將學到嘅知識靈活運用。我地邀請到 #網煮有限公司 行政總裁兼行政總廚盧翰豪先生及 #明愛安老服務 代表邱嘉良師傅,分別以個人照顧和院舍層面,親自傳授烹調照護食嘅技巧及心得。


透過全面嘅活動培訓,我地希望培育更多新血,將照護食技術傳承下去,達致薪火相傳!學廚之後更可以成為「照護食大使」,日後有機會到機構實習同埋參與各項照護食活動,將知識化為貢獻社會嘅力量!


想知道呢班學廚未來嘅最新動向?記住睇實我哋嘅Facebook專頁:

好好社企 Good Goods Social Enterprise Store / 照護食 Care Food



#國際廚藝學院 #中華廚藝學院 #明愛安老服務 #網煮有限公司 #照護食 #CareFood #吞嚥 #吞嚥困難 #碎餐 #軟餐 #糊餐 #飯糊餐 #正餐 #特別餐膳