【走進社區 -「嚐‧生活」照護食教學工作坊2】

Updated: Sep 30

繼今個月初嘅第一場「嚐生活」照護食教學工作坊之後,我地喺上星期已經成功舉辦第二場工作坊喇!


今次嘅工作坊內容豐富,首先我地有註冊營養師Bonnie Leung,爲一衆參加者講解軟餐嘅知識,同埋如何確保軟餐有足夠營養;然後就由香港軟餐有限公司創辦人Francis Ho同專業膳食管理經理Paul Lam,即場指導大家製作照護食,同埋使用特備嘅凝固粉,製作出唔同黏稠度嘅醬汁,方便唔同程度吞嚥困難嘅人士,都可以食到呢啲美食啦!


各位參加者當日都十分認真聆聽Bonnie有趣嘅講解,仲同其他照顧者互相交流,一齊交流照護食心得,之後仲齊心協力,利用攪拌機同模具,製作照護食版本嘅「山竹牛肉球」。相信大家經過今次活動之後,對於烹調照護食都獲益良多!


#社會企業商務中心 #SEBC #照護食 #CareFood #好好社企 #GoodGoods #樂齡科技博覽暨高峰會2021 #GIES2021 #照顧者工作坊系列 #嚐生活 #照護食教學工作坊