【「食得喜」樂齡美食烹飪大賽2021】

「食得喜」 樂齡美食烹飪大賽2021決賽已經喺上個星期六 (16/10) 喺國際廚藝學院廚藝館順利舉行啦!由於疫情關係,今年賽事無法開放公眾人士進場,但參賽者隊伍都俾足心機投入比賽,仲分享咗菜式嘅背後感人小故事同準備過程。


今年我地以「開心照護食」做主題,期望透過今次比賽,鼓勵職業廚師喺照護食菜式嘅選材配搭、烹調方法及擺盤技巧上創新嘗試,讓吞嚥困難人士有多元化嘅選擇。今年比賽特別採取師徒配對同跨院舍制度,等現役照護食廚師能夠互相交流心得經驗,烹飪技術也得以傳承!


每位入圍決賽嘅廚師配對一位學廚及一位長者服務/相關界別嘅學生作爲學徒。佢地喺過去兩個多月,各位廚師及學徒已經透過多次工作坊、單位實習交流及練習活動,努力做好準備去迎接今次比賽。


參賽隊伍嘅照護食菜式各具特色,於比賽當日嘅參加隊伍 : 明愛馮黃鳳亭安老院、明愛麗閣苑、明愛富亨苑、扶康會康復中心、基督教靈實協會靈實職員餐廳、保良局郭羅桂珍護老院、保良局東涌護老院、嗇色園主辦可蔭護理安老院 (排名按機構英文字母順序排列)分別獲得「明日之星」大賞!


而經過評審團隊試食評分後,亦都分別選出「美食」嘉許、「喜悅」嘉許、「聯繫」嘉許同「關愛」嘉許,歡迎大家11月6日(星期六)去到樂齡科技博覽暨高峰會參加我地嘅「食得喜」 樂齡美食烹飪大賽2021頒獎典禮一齊分享這份喜悅。



爲了讓公衆人士可以參與是次活動,我們今年設有<公衆投票最具「人氣」獎>,讓大家可以投選最喜愛的隊伍!


更多<公衆投票最具「人氣」獎>的詳情,請按此連結:

https://www.facebook.com/295409050515/posts/10159565977225516/?d=n



#社會企業商務中心 #SEBC #照護食 #CareFood #吞嚥困難 #樂齡科技博覽暨高峰會2021 #GIES2021 #食得喜樂齡美食烹飪大賽2021